Кошничката е празна!
Планинарски чевли со можност за поставување полуавтоматски дерези: за техничко планинарење, алпинизам, качување на мраз...
Мала тежина и перформанси - ова се клучните карактеристики на овој модел на Асоло.
Шелер К-Тек материјалот и подесувачкиот јазик од микрофибер се клучот за малата тежина, но и токму тие кои овозможуваат комфор и прецизен и подеслив фит.
ГорТекс Инсулејтед Комфор мембраната гарантира термо изолација, водоотпорност и дишливост, додека пак подлогата под стопалото, има микропорозна конструкција со двојна густина и тоа овозможува стабилност, поддршка, но и комфор и „амортизација“, како и можност за поставување на полуавтоматски дерези во делот кај петата благодарение на ТПУ вметоците.
Вибрам 1229 Мулаз ѓонот гарантира грип и прецизност! Секако, кај модели од оваа класа, во целиот круг околу стопалото има и странична, дополнителна гумена заштита...
Спецификација:
Материјал: Шелер К-Тек Микротек
Мембрана: Gore-Tex Insulated Comfort Footwear
Основа: Duo Asoflex Ascent - Carbon
Анатомска влошка: Lite 3
Ѓон: Vibram 1229 Mulaz + микропорозен материјал со двојна густина + TPU за полуавтоматски дерези
Тежина: 640 грама за чевла со големина 42
За компанијата:
Наш избор во колку што повеќе можеме сегменти, е да понудиме производи, кои потекнуваат од компанија која специјализирала во тоа поле. Компанија која целосно се вложила, да во тоа што го работи - навистина понуди највисок квалитет и перформанси.
Во сегментот за чевли за планинарење успеавме во оваа наша заложба и изборот го направивме на италијанската АСОЛО. Малку за историјата на оваа компанија.
Асоло е основана во 1975 година, од страна на Џанкарло Танци и своето име го добива по истоимениот град во северо-истокот на Италија, кој се наоѓа во близината на Венеција - каде што првично таа и е основана.
Асоло од секогаш била компанија - пионер во иновацијата. Пар примери:
-Асоло е компанијата која ја произведува првата чевла која е комбинација на кожа и текстил (Кордура во случајот)
-Асоло е компанијата која ја произведува првата чевла која користи ГорТекс мембрана.
Овие две иновации не само што го сменија пазарот - ја сменија воопшто индустријата за производство на чевли за планинарење!
Во 1998 година, водењето на компанијата ја превзема семејството Заната - кое пак има семејна традиција во чевларството од 1946 година. Асоло денес ја води 4тата генерација од ова семејство по нивното превземање на Асоло - подеднакво посветено во пронаоѓањето на совршениот микс на традиција, квалитет и иновација.
Чест е да се биде дел од нивната работа!
