Кошничката е празна!
Bianchi Т-Троник Х
Прекрасен е-МТБ, кој ќе Ви овозможи слобода да истражувате!
Спецификација:
Мотор: Bosch Performance Line, 75 Nm - Purion 200
Батерија: Bosch Powertube 600 Wh
Рам: Bianchi T-Tronik X, 12x148мм тру аксел, внатрешно спроведени кабли
Амортизер: Suntour XCR34X, воздушен, 120мм, 15x110 „буст“
Гарнитура: FSA 1.5", внатрешно спроведување кабли
Шифтер: Shimano Deore SL-M4100, Rapidfire Plus
Заден менувач: Shimano Deore, RD-M4120, 10sp, Shadow design
Пренос: FSA CK-320/IS, должина на курбла: 170мм
Ланец: KMC e10S EPT, Anti-Rust
Касета: Sunrace CSMS2, 11-42T
Кочници: Shimano Deore BR-MT410, 2-клипни, органски
Рачки: Shimano Deore BL-MT401
Ротори: преден Shimano SM-RT30, 203мм / заден: Saccon CDM80FD, 180мм
Тркала: Velomann 622x30, 32 дупки
Главини: Shimano TC500 Thru axle;
Гуми: Obor Mike Bear, 29"x2,35", 60 TPI
Стем: Velomann Viper0, големина 60мм
Влан: Velomann Aluminium, ширина 740мм
Грипови: Herrmans Luna lock 130 mm
Стега за колче: Ursus Alloy
Колче: Velomann AL2014, 31,6мм
(со амортизер доаѓа само за големини М и Л од 125мм и за ХЛ од 150мм)
Седло: Velomann Gnd Full-fit Start Up, 262мм x 145мм
За BIANCHI
BIANCHI (Бјанки) е најстариот производител на велосипеди во светот, започнувајќи ја својата мисија во далечната 1885 година – со непрекинати иновации и пасија за постојан развој на велосипедизмот во овие повеќе од 130 години!
Сосема на кратко, Ви претставуваме дел од историјата на оваа компанија:
1885 - 1900
Младиот Едоардо Бјанки, отворајќи ја својата прва продавница во Милано, во 1885 година, почнува да работи на својата прва замисла: да го намали диаметарот на предното тркало (доведувајќи го што поблиску до големина на задното), да го избалансира „празниот од“ во движењето, воведувајќи ланец за придвижување и да ја симне висината на педалите. Со тоа тој започнува со производство на првиот „модерен“ велосипед - безбеден велосипед за кој не се потребни „акробатски“ способности за негово возење и управување. Во 1888 година, Бјанки го произведува првиот велосипед со гуми на тркалата, а во 1895 година, по покана на Кралицата Маргарита, тој во кралскиот дворец го претставува првиот дамски велосипед. Веќе во 1899 година пак, Бјанки преку својот професионален тим, го постигнува и првиот спортски успех, кога Џовани Томасели победува на Гран Прито во Париз.
1900 - 1920
Вo 1913 година, Бјанки ја претставува најновата иновација: предна кочница во системот за кочење, а во 1915 година, произведен е велосипед за потребите на армијата: опремен со пошироки гуми од дотогаш вообичаените, рам на расклопување и со двојна амортизација. Ова е практично првиот планински велосипед со двојна амортизација – претходник на сите модерни верзии, а користен од војската во нивните акции од Алпите до пустините во Африка.
Во децениите што следуваат, Бјанки во конктинуитет, од година во година го „тресе“ светот на велосипедизмот, како со своите модели и иновации, така и на спортски план, во друмскиот и планинскиот велосипедизам, каде возачи во тимовите возејќи ги моделите на Бјанки победуваат неколкукратно на Светски првенства (пример: во друмски велосипедизам уште во 1953та година, а планински во 1991 година), Еворпски првенства, Олимпијади (пример: во планински велосипедизам во 1994 година), големи класици (пример: на Милано-Сан Ремо трката победа уште во 1914 година / повеќе од 15 победи во историјата), најголемите друмски трки (примери: на Џиро победа уште во 1911 година/ 8 победи во историјата; двајца возачи со победи на Џиро и Тур во иста година – Фаусто Копи и Марко Пантани...) итн, итн.
И денес, со пасија која не е стивната, Бјанки нуди пред се’ голема палета на модели – за сечии потреби и перформанси. Ви стоиме на располагање за совет околу избор на моделот кој би Ви бил потребен: info@outdoor.mk!
Одберете и Вие – Бјанки!
Одберете и Вие – 140 години италијанска традиција и пасија во велосипедизмот!
